Eochaill

Maidin Domhnaigh ‘s mé ‘dul go hEochaill

Do chasadh óigbhean orm sa t-slí,

Bhí scáil ’na leacain ar dhath na rósaí,

‘S ba bhinne glór ná na ceoltha sí:

Leagas mo láimh thar a bráid le mórtas

Is d’iarras póigín ar stór mo chroí:

‘Sea dúirt sí: “Stad, is ná straic mo chlóca,

Gan fios do ghnósa ag bean do thí.”

Seo mo lámh duit ná fuilim pósta 

’S gur buachaill óg mé thug searc do mhnaoi; 

’S dá dtriallfá liomsa thar n-ais go hEochaill 

Do gheofá ómós mar a gheobhadh bean tí. 

Chuirfinn high-caul cap i gceart ’s i gcóir ort, 

Gúna, clóca ’gus caipisín 

Beidh siopa dram agat le brandy ’s beoir ann,

’S do leanbh óg deas ag súil a’ tí.

“Níl ann ach uair bheag ó dh’fhágas Eochaill, 

’S ní ligeann an brón dom filleadh aríst 

Do bheadh mo mhuintir i bhfeirg mhór liom; 

’S ní bhfaighinnse fóirthint ó mo chairde gaoil. 

Leath a n-abair siad, ní dhéanaim a gcomhairle 

Ach buailim an bóthar de ló ’s d’oí’; 

Is cailín scaite mé ’tá ag siúl an bhóthair 

Ag lorg an eolais ar Cheapach Chuinn.”